智慧齒，即係第三大臼齒，通常喺17至25歲之間長出。由於現代人嘅下顎骨相對較細，智慧齒好多時會生得唔正，甚至埋伏喺牙肉入面，導致各種口腔問題。剝智慧齒成為唔少人嘅必要選擇，尤其係當呢隻牙引起發炎、疼痛或者影響其他牙齒嘅時候。

點解要剝智慧齒？
智慧齒問題主要有以下幾種：
1. 阻生齒：牙齒生唔出，或者生歪咗，頂住隔籬牙齒，容易藏污納垢，引發蛀牙或者牙周病。
2. 反覆發炎：牙肉覆蓋部分智慧齒，形成盲袋，細菌容易積聚，導致冠周炎，紅腫疼痛。
3. 擠迫其他牙齒：智慧齒生歪可能推冧其他牙，影響牙齒排列，甚至令矯正效果前功盡廢。

如果出現呢啲情況，牙醫通常會建議剝除，避免問題惡化。

剝智慧齒過程係點？
深圳博愛曙光醫院口腔科嘅專業牙醫會先幫病人做詳細檢查，包括X光或者3D影像，評估智慧齒位置同埋對周邊組織嘅影響。手術過程大致如下：
1. 局部麻醉：確保手術過程唔會痛。
2. 切開牙肉（如有需要）：如果牙齒埋伏喺骨入面，醫生會輕輕切開牙肉，露出牙齒。
3. 分割牙齒（複雜情況）：如果牙齒太大或者角度刁鑽，可能會分開幾部分取出，減少創傷。
4. 縫合傷口：手術後縫線幫助傷口癒合，通常7-10日後拆線。

術後醫生會提供詳細護理指引，例如冰敷減腫、避免劇烈運動同埋食軟身食物，確保康復順利。

術後護理要點
1. 保持口腔清潔：24小時內避免漱口，之後可以用鹽水輕漱，防止感染。
2. 避免吸吮動作：例如用飲管飲嘢，以免影響血塊形成，延遲康復。
3. 按時食藥：醫生開嘅止痛藥同抗生素要按時服用，減少不適同感染風險。

深圳博愛曙光醫院口腔科配備先進設備，提供專業智慧齒剝除服務，確保手術安全同舒適。

溫馨提示：深圳博愛曙光醫院開設港澳國際門診，提供粵語陪診、免費車接等特色港式服務，方便港澳居民就醫。

地址：深圳市羅湖區寶安北路2088號（萬象食家旁）